Den store helten Elias

Kvar kveld vert det litt høgtlesing i senga. Men sjølv om vi prøver å introdusere nye bøker, vil ikkje ulven sove med ein gong, han ligg tolmodig og ventar på at eventyret tek slutt, slik at han kan seie: "Du må lese Elias."

Så er det ingen annan utveg. Elias er den store helten, og Tråle er ein stygg båt som lyg om Elias og skaper berre ugagn. Så når Elias dreg Tråle inn til Lunvik og Tråle byrjar å lyge, kjem det litt uventa frå tilhøyraren, "Vi må skyte Tråle."

"Øh? Hæ? Nei, vi må no ikkje skyte han."

"Kan vi ikkje skyte Tråle?"

"Nei. Han lyg og sånt, men vi kan no ikkje skyte han av den grunn."

"Kan vi ete Tråle?"

"Nei, Tråle er laga av metall, så då øydelegg vi berre tennene våra."

g