Kaldt eller varmt

Det er tidleg på morgonen. Ulven står opp og går på badet. Så kjem han springane utan bukse inn på stua og erklærer "Ej he bæsja!" Eg løftar han kjapt tilbake til badet for å vaske rumpa. Varmevatnet har ikkje kome opp dei to etasjene og fram til vasken enno, så det er relativt kaldt vatn.

"Ææææh! De e iskaldt!" klagar ulven. "Ej vil ha lamt!"

"Var det ikkje slik at du ville ha kaldt, da?"

"Nei! Ej vil ha lamt!"

"Synd. For vatnet er ikkje varmt enno."

Eg fullfører jobben, set han ned, tørker han, og snur han rundt med instruksar om å vaske hendene sine. No har varmevatnet kome fram, så eg regulerer temperaturen til passe lunka.

"Au!" klagar ulven. "De e lamt! Ej vil ha iskaldt!"